{{ تلفزيون }} & {{ انترنت }}

مساء الخير عليكم

انشاء الله بخيير كلكم

طبعا لاحظت لي حاجه ممكن تكون خطره

هسي انا ما ممكن اتوقع انو في طفل ممكن يدمن

حاجه بالشكل دا الليله لاحظت انو الاولاد بقعدو

في التلفزيون 16 ساعه في اليوم لو حسبناهم والواحد

تلاقيهو مستمر الا تجي تقلعو قلع من التلفزيون وتعاين لي وشو

تلاقيهو احمر وعيونو حمرا وتلاقي كم عصب كدا ظاهر .



طبعا ما ممكن يقعدو بالطريقه الفظيعه دي والمشكله

اهاليهم بخلوهم وبمشو متخيلين انهم كدا بستمتعو >> لاكين كدا بتدمرو

طيب نخلي الساعات الطويله البقعدوها , اهلهم بخلوهم في

التلفزيون وبمشو ليه ؟ الاولاد برضو بهبشو كدا وكدا بشوفو

لأنو من طباع الطفل انو يكتشف وكدا >> حا يطبز شويه في الريموت

والله لا كتر من القنوات المخله وكمان المقاطع السيئه اكتر .

دي نقطه .


~ ~ ~


تاني الكمبيوتر والانترنت >> العصر الحديث

بت خالتي في البيت قالت لي معانا في المدرسه بت

بتقعد في الانترنت بساعات خياليه لو زول قرب منها سااي

بتجوط وتكورك وتقلب الدنيا والمشكله على على ابوها استاذ

وفي نفس المدرسه كمان وشايفها كمان وهي بتعمل شنو مع الطلبه

زميلاتها .



خلينا منها انا شفته زول عينو وحده تحت وحده فوق

وحده زاايغه والتانيه في مكان تاني المهم ما عرفت اسألو كيف نهائي

واتحيرت شدييد مشيت سألت زول تاني قال لي بقعد في النت

مووبالغه يوم نام ولما صحى الصباح لقا عيونو كدا >> بحس بي شنو

ومرات كمان بنلاقي زوول ما بسمع فينا نهاائي اتكلم وأتكلم

وهو ما بسمع فيني ليه ؟ >> سرحان في الانترنت .

دا غير الامراض الممكن يسببا و .. و .. و .. الخ .. .


~ ~ ~

الاولاد موش بعملو كدا ولا انا غلطان

الحاجات الاتنين دييل هم مدمريين

لاكين مفيديين برضو .

دا كل الداير اقولو .

وانشاء الله الموضوع يكون عجبكم .